KORONAAK ÀDDINA

Yeneen i xët

Aji bind ji

Taalifu Làmp Faal Kala

Ki daan mere nit ñi ci ñàkk a nuyoo
Moo bank ab loxoom di tere nuyoo
Ki daa tëju amul yitte lañ daan mere
Tey ku tëjuwul bari yitte la ñuy tere

Jàngoon naa ni fu jullit yi def mbooloo
Yàlla dafa fay tàbbal yërmaande Rahma
Dakkandil nañ jëm jumaa julliji àjjuma
Tere màggal, cant ak jàngeek dajaloo

Foo déggaan ku juge Itaaleek Farãs
Njëkkanteji sërica ku jiitu ëpp sãs
Tey ku ñu ni wiisaa ngii amoo sãs

Jàngoro ji wëlbati na àddina tey
Dem ba ndigal soppiku tere kay
Ku ne tiit di ñaan na koronaa bi fay
Ndax dafa bon day fàdd di ray

Widewo

Xët yi mujj