La Kocc jàngale woon nga feeñal ci talaata jii
« Mag mat naa bàyyi cim réew »
Teey, yéwén, ràññee, dogu nga nu won
Lii bokk na ci mbindu bés bi
Sa kàddu gu njëkk moo ma yéem
Ku doon séenu nga ñaxtu ci làmmiñi réew mi
Jooytu ci cër bi ñu ko xañ
Am na mbetteel
Ci sag tàmbali Buur-Yàlla nga jiital
Nangul ko dogalam
Xàndoor damm ca waar wa
Nga ñaanal jàmbaar ja dëddu
Seedeel Abdu Salaam Faal
Ne bay na waaraam ci toolu mbatiit bi
Boole ci rafetal ak fonk doomu-Aadama
Yow mii yaa xam àddina
La ca tegu di dalal jëwriñu mbatiit ak ña mu àndal
Ràññee yóbbantey Président
Nga rafetlu cargal gi ak teraanga
Ba dige ni dinga yónnee sa xalaat ñeel njariñu réew mi
Rawatina làmmiñi réew mi
Laajoo benn wareef
Te moone yaa ngi ci sa warugar ba mu mat sëkk
Yaay gor, yaa yiw
Yaram wu sutante tàggalewu la ak sa sago
Ñépp a lay sagoo
Tey nga gën a woddati say kàddu
Sa kersa yéem na ma, Faal
Moo ma tax di sàkku ci Boroom Bi
Mu yàggal la fi lool boole ci wér ak wérle
Ndax sa dund am na njariñ
Jërëjëf, Faal, xol bu sedd doy na ñaan…
Ibraayma LÓO, Directeur du livre et de la promotion de la lecture
