Sëñ Bàmba

Yeneen i xët

Aji bind ji

Sëñ Bàmba Kéemaan la

Dem ba ñëw war a sant ci ñibbisi gi

Di sant Boroom bi ci dem gi

Ndeke dem gee jur Màggal gi

Bu demul woon dunu jot ci teraanga yi

Sëriñ bi … Kenn du Sëriñ Bàmba

Dem na ba ñëw ci jàmm ak salaam

Waaye di fésal ug cant Yàlla ci dem gi

Nattu yaa jur bànneexam

Xéewal yi rogolaat ba fépp tooy

Moyul kenn kon Bàmba mooy

Kéemaan di tawféex nanu ci ŋoy

Bi noon yi foogee ni

Jàpp nanu Séex bi

Moom Bàmba mu naan 

Danoo bokk yoon rekk waaye àndunu

Tey bi pënd bi wuree

Ñépp xam nañ ni Bàmbaa gore

Yàlla rekk a fi ne, ku jëf mu fey la

Ku nekkal Yàlla, Yàlla nekkal la

Bàmbaa di ki gëm Yàlla

Jox boppam Yàlla

Léppam di Rasululaay

Wóor na ñépp, billaay

Moo ni xalimag Yàlla du bindati

 ku mel ni Mustafaa, kon du amati

Du Yàlla da ko mënatul

Déedéet…Yàlla tëlewul dara

Waaye dafa nammatul a bind

 Ku mel ni moom ci biib dénd

Sa mbëggeel ci Mustafaa du waxi kese

Mbàkke Bàlla

Woote ñépp wuyusi

Nit ak jinne, kenn du des

Njabar mënu ko

Bari pexe joxewu ko

Yàlla rekk a fi nekk

Yaa fii taxawal

Jëf-jël

Yaa fi jëf lu ñépp di soow

Ci lu baax, neeleen waaw

Moo waral tey nga am li nga am

Jërëjëf Séex Bàmba

Jërëjëf Maam Jaara

Ndey Koddu Faal
Plus de publications

Widewo

Xët yi mujj