Démb ci àjjuma ji, 30i pani ut 2024, la tàggatkatu ekibu Senegaal bu mag bi, Aliw Siise, siiwal toftaleem. Fésal na ndaw yim tànn ngir ñu taxawal réew mi ci ñaari mats yi nu dëgmal ci fan yii di ñëw ñeel jàllug kuppeg Afrig 2025 gi.
Ci toftale gi nag, daanaka ku ci nekk mës na wuyusi wooteg ekib bi ba mu des kenn kese. Gan googu nag mooy doomu Sigicoor ji tollu ci 19i at, di futbal ca këlëbu Slavia Prague, nekk réewum Ceg (République Tchèque). Moom nag, ab laafu càmmoñ la (arrière gauche). Nii la toflale gi tëdde :
