GÀMMU GI

Weeru Gàmmu

La Buur Yàlla taamu

Ngir gane àddina Yonent bi

Yàlla def mu gën ci mbindeef yi

Gënal ko ñépp moom Rasululaahi

Moo tax looy def bëgg mu saf Yàlla

Jiital ci Yonent bi te ube ko ko ngalla

Bés bii rekk a ñor Sëydi Allaaji Maalig Si

Mu woo ci mag ak ndaw ñépp wuyusi

Dundal bés bi ni ko lislaam soppe

Lépp rafet bijjiy yiw lépp ci diine

Tey képp ku fi waxal Yàlla nag

Xam nga ni fi Gàmmu gi egg

Muy feneen di Senegaal

Mawdo moo ko waral

Kuy yatt te mënoo, yàq nga bant kon

Kuy jàngale xamoo, réerale nga kon

Koo bëgg a xamal dangay fexe

Ba gën koo xam mooy pexe

Ndax boo réeree réerale

Doo jot dara bay jotale

Am njàng nga woote

Ci yow la nuy roote

Si Maalig jërëjëf

Ci yile jëf

Yaa ngi  xamle li nu war a moytu

Yaa ngi gindi it ci li nu war a saytu

Yaw gëlëmalaatewoo mukk

Bind nga ba fi lu amul sikk

Ngir nu jub te fegu

Ragal Yàlla tegu

Yaa jar a woy

Yaa jar a roy

Ku màggal guddi Gàmmu

Say aajo biir ak biti faju

Ndey Koddu Faal

Ndey Koddu Faal

Plus de publicationsBiographie

• Ndey Koddu Faal

  https://www.defuwaxu.com/author/ndeykoddufaal10/

  MAMADU LI (ARED) JËL NA NEEXALU YIDAN 2025
• Ndey Koddu Faal

  https://www.defuwaxu.com/author/ndeykoddufaal10/

  SËRIÑ MAXTAAR JENN, XARITU XALE YI, DËDDU NA
• Ndey Koddu Faal

  https://www.defuwaxu.com/author/ndeykoddufaal10/

  KËR ARAM
• Ndey Koddu Faal

  https://www.defuwaxu.com/author/ndeykoddufaal10/

  USÉYNU BÉEY, AT CI SUUF…