TAAX BI MÀBB NDAKAARU : 5I BAKKAN ROT NAÑU

Yeneen i xët

Aji bind ji

Taaxub 3i etaas moo màbb ci guddig altine ji jàpp talaata. Xaar-Yàlla la jéyya ji amee. Ci lees xamagum, 5i nit ñàkkagum nañ ci seen i bakkan, mu 12 yu ci jëley gaañu-gaañu. Jukkees na xibaar yile ci APS mi leen jële ci takk-der yi.

“Limagum nañ fukk ak juróom-ñaari nit yu ci lors, am juróom yu ci dee.”

Bees sukkandikoo ci APS ba tey, bi 1 waxtu di jot ci guddi gi lañ xamal takk-der yi ne am na taax bu màbb fa Xaar-Yàlla, wetu Walfadjri. Bi takk-der yi agsee, dañu gis ne dafa am lu màbb cib taamu ñetti etaas bob, dañ ko doon yeesalaat fekk ay nit ñoo nga fa woon dëkk.

Pap Aali Jàllo
Plus de publications

Widewo

Xët yi mujj